دخل الفنان المصري بيومي فؤاد في نوبة بكاء على الهواء، خلال عرض صورة زميله الفنان محمد سلام، قائلاً: “ربنا معاك”.

وقال بيومي فؤاد في رسالة لمحمد سلام، خلال لقاء تلفزيوني: “بقوله إزاي متطلعش تدافع عننا؟ إزاي متطلعش تدافع عن محمد أنور، وهو ترشيحك في المسرحية اللي عرضناها في السعودية؟”.

وتابع “أنا صدقتك في الفيديو جداً، وأنت قلت لا نفاق ولا رياء وأنا وجهة نظري العبيطة علشان أنا راجل طيب مكنتش هتخسر حاجة إنك تطلع تقول أنا مقدرتش، مش معنى إن أنور قدر وراح يحصل معاه كده يا جماعة، خصوصاً إنك طلعت دافعت عن أمير كرارة لما طلعت إشاعة كاذبة إنه مشارك من المسلسل بتاعه وأنت مش معاه، طلعت دافعت عن أحمد الجنايني”.

وأضاف “ليه مطلعتش تدافع عن محمد أنور مش عني؟ كل يوم بسأل ليه مدافعتش عننا؟ ده اللي كنت مستنيه منك، ورزقك على الله، هي موتة ولا أكتر، العمر واحد والرب واحد يا أستاذ سلام”.

واختتم بيومي فؤاد، قائلاً: “العمر واحد والرب واحد لكل اللي شتمني، وكل اللي فهمني غلط، أنا غلط بس راجل، ومعاكم للآخر”.